CUT!

 من صحفة Btlf Aldonia Bena @ Facebook

أنتظر مرور شهر بفارغ الصبر كي لا نرى بعض وأقطع علاقتي بيكِ.. فقد أصابني منكِ ما يكفي بل وما يزيد

فهناك "أصدقاء" بدأت اتهرب من رؤيتهم .. فقط كي لا أكرههم أكثر!

يوم مأساوي أتنقش ع الحجر

مر يومان فقط على هذا اليوم المأساوي وقلبي لا يزال يحاول جاهداَ أن يزيح عنه تلك السحابة السوداء ونفسي لا زالت تحاول الكف

عن جلد الذات.. فيارب يا من أنت أقرب إلي من حبل الوريد لطفك بي وبقلبي الضعيف الذي لا يقوى على شر نفسي وهموم الحياة.

عاوزة بس مش قادرة

حاسة إني عاوزة أرجع أكتب تاني بس مش قادرة.. أو مش عارفة...!

يارب...!

Feeling Blue

feeling blue..
feeling fragile..
feeling empty inside..
how tough is that suppose to be?!!

أحـــلامـــنـــا

أحلام تعيش فينا.. رقيقة ودفينة

نحلم بها مراراً.. ونسترجعها تكراراً

منها ما تحقق.. ومنها ما لازال نحاول تحقيقه

نمسكها بحرارة.. ونحتضنها بشجف

تضيع من بين أصابعنا تارة.. ونسترجعها تارة آخرى

نبتسم لها.. بل ونبتسم بها

فأحلامنا مصدر أمالانا

وأحلامنا نبع طموحتنا

وأحلامنا بذرة حياتنا

فبها نعيش ومن دونها نموت...

!!زعلانة من نفسي وعلى نفسي

الموضوع جوا قلبي ملعبك جداً، بس فعلا زعلانة على نفسي بسبب البهدلة اللي المواطن المصري بيشوفه، والمرمطة في أي حاجه في حياته اليومية، سواء لو في مصلحة حكومية أو راكب مواصلات، أو في شغله/تعليميه.. بتصعب عليا نفسي وأنا المفروض من بني البشر لا نحيا حياة آدمية كما يفترض أن نعيشها. لكن في نفس الوقت زعلانه من نفسي لمّا بلاقي تفكيري نتيجة كل ما سبق هو الهجرة للخارج في دولة تـَعي معنى "تقدير الإنسان". إزاي أكون بتمنى كده والمفروض إن أنا عمري ما أحس بزعل تجاه "أنا كلمة يمكن عمرها عمر البشر ده عام بعام.."؟؟ إزاي نفسي أسيب "اسمي أعظم اسم.."؟؟ ازاي نفسي أسيب بلدي والمفروض إن كل واحد فيها يشتغل علشان يبنيها...؟


إزاي نفسي أسيب بلدي والمفترض إننا نكون بنجهز على قدم وساق ليوم الحسم مع "إسرائيل" من أجل استرداد حقنا في فلسطين، وحق صبرا وشتيلا، وحق محمد الدرة، وحق محمد البرعي وحقوق تانية كتير أوي لم نسترددها بعد؟! إزاي التناقض ده جوايا!!؟؟


إزاي وإحنا بنقول على نفسنا حضارة 7000 سنة مش عارفين نلم شوية زبالة في الشارع.. إزاي وإحنا بنقول على نفسنا حضارة 7000 سنة نلاقي شوية شباب "طايش" -إن جاز التعبير- بشوية موتوسيكلات يعملوا حركات فيعطلوا المرور ومصالح الناس، وإزاي وإزاي..؟؟؟!!! اترسخ جوايا إن العيب مش عيب نظام فحسب إنما عيب شعب، شعب مش عاوز يغيّر من ثقافته.. شعب بيدعي الحضارة ولكنه يفتقد أبسط مقومات تلك الحضارة... زعلانة من بلدي وفي نفس الوقت زعلانه على بلدي..


بدأت أصلح في بلدي من إن أنا أغير من نفسي.. من إن أنا أحاول ابني نفسي صح في مجال دراستي حالياً وعملي مستقبلاً، بس يعتصر قلبي ألماً لمّا أحاول أكلم الناس وأقول لهم لو سمحتوا الصح كذا، فيكون الرد "ببجاحة"ومنتهى في قلة الأدب.. ده بسبب إن الصح دلوقتي أصبح غلط والغلط هو اللي صح، ولو حد اتكلم يبقى فتح على نفسه أبواب عمره ما هيعرف يقفلها..


يا ترى وأنا بقول نفسي اهاجر بره مصر، دي حاجه تفرح إسرائيل؟ أنا إعتقادي آه.. بس أنا أعمل ايه.. أنا بني آدم وحقي أعيش حياة آدمية، لكن في نفس الوقت أنا مش عايزة أكون ثغرة لإسرائيل عشان تفرح فيا وفي بلدي!! يا ترى الحل فين؟؟!!!


ع الهامش: لا أقصد التذمر بشكل كبير كما قد يتبين للقارئ، فأنا أعلم جيداً أن حالي أفضل من ناس كتير، ولكن من أقصده أنه ليس من العيب أبداً أن يكون الفرد طموحاً.


ملحوظة: الكلمات الملونة هى مقتطفات من أغنية "أنا يا إسرائيل" لمغنيها المبدع حمزة نمرة...